11 avqust 1981-ci ildə Qazax rayonunda anadan olub.
Təhsili:
1998-ci ildə Qazax şəhəri 1 saylı tam orta məktəbi bitirib.
2002-ci ildə Azərbaycan İqtisad Universitetinin “Mühəndis iqtisadiyyatı və idarəetmə” ixtisası üzrə bakalavr dərəcəsini, 2004-cü ildə “Maliyyə və kredit” ixtisası üzrə magistr dərəcəsini fərqlənmə diplomları ilə bitirib.
2023-2024-cü illərdə İspaniyanın Barselona İdarəetmə və Biznes Məktəbində (BEBS) “Beynəlxalq biznesin idarə olunması və innovasiyalar” üzrə MBA proqramı üzrə təhsil alıb.
2004-2005-ci ilərdə Azərbaycan Respublikasının Silahlı Qüvvələrində hərbi xidmətdə olmuşdur.
Beynəlxalq sertfikat:
2009-cu ildə Qlobal Risk Peşəkarlar Assosiasiyasının (GARP) altı aylıq “Bank risk proqramının əsasları” kurs proqramını bitirərək sertifikata layiq görülmüşdür.
2010-cu ildə isə GRBS, Oxford İslamic Finance və Dar Al İstithmar şirkətlərinin “Qlobal İslam maliyyəsi” üzrə master-klass proqramının iştirakçısı olmuşdur.
Əmək fəaliyyəti:
2005-2007-ci illərdə Xaricdə Yaşayan Azərbaycanlılarla İş üzrə Dövlət Komitəsində məsləhətçi və aparıcı məsləhətçi vəzifələrində çalışmışdır.
2007-2017-ci illərdə “Muğanbank” ASC-nin Kreditlərə nəzarət şöbəsinin müdiri, Risklərin idarəedilməsi departamentinin direktoru vəzifələrində fəaliyyət göstərmişdir.
2017-2023-cü illərdə “Muğanbank” ASC-nin İdarə həyətinin sədr müavini vəzifəsində çalışıb.
5 iyul 2024-cü ildən Dini Qurumlarla İş üzrə Dövlət Komitəsinin tabeliyində Mənəvi Dəyərlərin Təbliği Fondunun icraçı direktoru təyin olunub.
2003-cü ildən Yeni Azərbaycan Partiyasının üzvüdür.
