“Hər məsciddə kitabxana” layihəsi qərb bölgəsində davam etdirilib
Dini Qurumlarla İş üzrə Dövlət Komitəsinin tabeliyində fəaliyyət göstərən Mənəvi Dəyərlərin Təbliği Fondu “Hər məsciddə kitabxana” layihəsini ölkənin qərb bölgəsində də uğurla reallaşdırıb.
Layihənin bu mərhələsində Gəncə şəhəri ilə yanaşı, Samux, Göygöl, Daşkəsən, Qazax, Ağstafa, Tovuz, Şəmkir və Gədəbəy rayonlarında yerləşən məscidlərə müxtəlif mövzuları əhatə edən kitablar təqdim olunub.
Təşəbbüsün məqsədi məscidlərin yalnız ibadət məkanı kimi deyil, həm də ictimai-mədəni fəaliyyətlərin həyata keçirildiyi mərkəzlərə çevrilməsinə dəstək verməkdir. Bununla yanaşı, gənclərin mütaliəyə marağının artırılması, milli-mənəvi dəyərlərin daha geniş kütlələrə çatdırılması əsas hədəflər sırasındadır.
Cari ilin sonunadək ümumilikdə 250 məscidin kitabxana ilə təmin olunması nəzərdə tutulur. Gələcək illərdə isə layihənin davamlı olaraq genişləndirilməsi, hər il 100 adda 25 minədək kitabın məscidlərə çatdırılması planlaşdırılır. Nəşrlər dini ədəbiyyatla yanaşı, fəlsəfə, tarix, ədəbiyyat və dünya klassiklərinin əsərlərini də əhatə edir.
Bu mərhələdə siyahıda adları göstərilən məscidlər kitabxana ilə təmin olunub:
Gəncə şəhəri:
Gəncə şəhəri, “İmamzadə” məscid-ziyarətgah kompleksi
Gəncə şəhəri, “Şah Abbas” Cümə məscidi
Gəncə şəhəri, “Qazaxlar” məscidi
Gəncə şəhəri, “Şahsevənlər” məhəllə məscidi
Samux rayonu:
5. Samux şəhəri, “Əbülfəzli Abbas” məscidi
Göygöl rayonu
6. Göygöl şəhəri, “Heydər” məscidi
Daşkəsən rayonu
7. Daşkəsən şəhəri, “Cümə” məscidi
Qazax rayonu
8. Qazax şəhəri, “Cümə” məscidi
9. Qazax rayonu, Aslanbəyli kəndi, "Hacı Mahmud Əfəndi" məscidi
Ağstafa rayonu
10. Ağstafa şəhəri, “İmam Əli” adına Cümə məscidi
11. Ağstafa rayonu, Göycəli kəndi, "Əbülfəzli Abbas" məscidi
02.10.25